Departamento di Obra Publico y contratista CIC NV ta informa cu e caminda di Green Corridor, entre rotonde di Kibaima pa rotonde di Pos Chikito, tabata programa pa habri siman pasa. Pero pa motibo di awasero a pidi extencion di 3 dia mas. Esey kiermen cu e caminda lo keda cera entre 9’or di mainta te cu 7’or di anochi y despues di esey lo habri un banda direccion San Nicolaas y un banda direccion Oranjestad.
Tentativamente e lo habri awe dialuna dia 8 di augustus 2022 pa 7’or di anochi, si no haya ningun inconveniencia mas. Ruta di desviacion ta sigui via e brug di Telearuba of e caminda di Sabana Basora/Franse Pas.
Cu e brug ta cera, ta pa haci trabou di mantencion preventivo. Esaki ta un cambio drastico compara cu con tradicionalmente gobierno ta atende cu infrastructura di careteranan rond di nos isla. Pa falta di presupuesto, masha poco ta haci na mantencion preventivo, sino mas bien ta warda te ora cu e caminda daña of kibra, pa e ora purba drech’e. Den e caso aki, como cu e contratista ta mara na mantene e caminda habri y operacional durante trinta aña largo, ta na su mesun ventaha pa garantisa cu e caminda ta bon manteni.
