Normalmente nan tabata topa cu mas regularidad, pero door di e pandemia, a pone cu reunionnan fisico a bira imposibel of limita. Probecha cu awor por atrobe, un grupo di e miho recherchenan di Aruba, di cual mayoria ta pensiona, a dicidi di topa cu otro. A scoge pa e biaha aki reuni na cas di ex-polis Edgar “Gachi” Paulina, kende tabata hefe di recherche Oranjestad pa hopi aña.
Durante e reunion ameno y informal, e polisnan a repasa varios caso grandi cu nan a investiga den nan tempo. A corda con, durante nan miho añanan, tabata resolve casonan mas lihe y mas facil. Claro, tambe tabatin caso cu a dura largo of cu a keda sin resolve nunca.
