Como parti di stakeholder, Arubaanse Vereniging van Belastingadviseurs (AVVB) a reuni cu formado di gobierno. Pa AVVB e reunion cu formado mr. Evelyn Wever-Croes a bay bon, constructivo, positivo y tabata tin entendimento.
E esencia di e reunion tabata cu mester bin mas balans entre e contribuyentenan di impuesto, organo ehecutivo, wetgeving (legislacion) mester ta rasonabel, transparente y ta stabiel. Esey tabata e esencia di e reunion. Sandy van Tol a indica di tabata contento con esaki a bay ya cu e puntonan entrega di AVVB a resona cu e formado. Ta duidelijk cu por tin un reforma fiscal solamente cu e bon boluntad entre e stakeholders y cu e version corecto desde Departamento di Impuesto como organo ehecutivo.
Aworaki no tin hopi balans entre e derechonan di “belastingplichtigen”, ciudadano di Aruba, y e ehecucion di e leynan fiscal. Hopi biaha tin aanslag incorecto poni, ta tuma luga “verrekening” banda di Departamento di Impuesto y ta haci cu e posicion di “belastingplicht” ta bira hopi onduidelijk. El a splica cu un belastingplicht kier un siguridad, kier sa unda nan ta para y kico nan tin di paga. Nan kier un tiki mas claridad, mas motivacion, “onderbouwing”. Kiermen eseynan ta importante. Aworaki tin hopi insiguridad y kico ta pasa cu e posicion fiscal.
