Un rato pasa hues mr. A. van de Leur a dicta sentencia den e caso cu e parlamentarionan Arthur Dowers, Mike de Meza y Mervin Wyatt-Ras a entama contra Gobierno di Aruba. Aunke tur tres ta politico activo y cu a participa den e ultimo eleccion, nan a entama e caso como civil y votado. Nan a pidi corte pa un “ordemaatregel” pa reconteo di voto, pasobra nan ta convenci cu tin algun asunto cu no ta cuadra of cu ta duna sospechoso cu tin asuntonan a cana robes. Hues no a mira e caso mescos cu nan y a rechasa e demanda di e tres politiconan.
Durante tratamento di e caso, hues a tene hopi consideracion cu e situacion politico riba nos isla. Gobierno a pidi pa declara e politiconan como no admisibel, pero corte no a bay di acuerdo cu e peticion ey. Tambe gobierno no a mira urgencia den e caso aki, locual corte si a tene na consideracion. Asina mes, hues no ta considera e puntonan di bista treci padilanti di parti di e politiconan di AVP como valido pa haci e reconteo y eventualmente cambia e resultado di eleccion y e reparticion di “restzetel” entre e partidonan participante den eleccion parlamentario 2021. Pa mas informacion, lesa e edicion di TREMPAN mdi añan.
