Awe merdia algun potret cu a subi red social a bira un berdadero exito, di un avioneta riba e brug nobo di Pos Chikito, conoci como e Brug Freddis Refunjol, ex Gobernador di Aruba. E potret tabata di berdad, pero e angulo cu a sak’e a crea un impresion robes, comosifuera cu e avioneta a baha riba e brug y dal den e autonan coriendo eyriba. E potret a sirbi como un recordatorio pa tur hende cu un potret ta papia mil palabra, pero e angulo por crea un impresion diferente na e realidad.
Hecho ta cu awe a transporte un avioneta bieu di un punto pa e otro. A pone e avion riba un flatbom di un takelwagen y cu ayudo di tecniconan di NV Elmar a percura pa no mishi cu waya di coriete durante e transporte. Dado momento a cera algun caminda pa e transporte por a sosode sin mucho estorbo of peliger pa otronan den trafico.
