Diabierna anochi alrededor di 7:35pm a pidi pa presencia di polis na Montana #3, na Dakota. Ta un cas net pazuid di Pacifico Bar & Restaurant na Dakota. E habitante di e cas a conta cu for di atardi un auto color blanco tabata para den su cura di cas y cu e no sa di ken e ta ni con el a yega ey.
Ta te ora cu solo a baha, el a bin nota cu e auto ta para den su cura. No tin ningun tipo di documento registra riba e auto, mientras cu di pafo por nota cu e no tin ni plach’i number riba dje. No ta conoci si e auto aki marca Great Wall ta procedente di un atraco of cualkier caso criminal.
Pa siguridad, a takel e auto y hib’e ward’i polis na Balashi pendiente mas investigacion.
