Diasabra anochi algo pasa di 11or, patruya di Playa a ser dirigi cu urgencia dilanti di parlamento di Aruba. Eynan un auto a dal un turista. Na yegada di e prome patruya a bin topa un turista benta riba vloer y su frenta cu un kap basta bon. A pidi presencia di ambulance pa asina atende e turista masculino cu tabata perdiendo basta sanger. Ora ambulance a yega e paramediconan a atende mesora cu e herido. E señora di e turista masculino a cuminsa grita y ofende polis y e personal di ambulance. E tabata reclama cu e no kier yudansa di ningun hende. Despues di a papia cu e dama, el a bin calma, personal di ambulance a atende cu e turista y despues a transporte pa hospital. Ora polis a bay chek kiko exactamente a sosode, testigonan mes ta bisa cu e auto Nissan Silvia color shinishi numera A-69118 tabata haci maniobranan riba e caminda cu consecuencia cu e pareha turista crusando caminda a bira victima. Net nan a caba di come na restaurant. Polis a atende seriamente cu e chauffeur di e auto. Djey a tuma e auto den beslag tambe pendiente investigacion.
