Un rato pasa pa mas of menos 11:45pm a sosode un accidente serio na Pos Chikito entre un auto y un scooter. E prome unidad di polis cu a yega na e sitio a constata un homber benta na suela, cu a resulta di ta e motociclista, y tabata keha di hopi dolor.
E auto SUV ta numera A-55430 y a dal den un scooter.
Marca y number ta desconoci pa nos. E motociclista a resulta herida y cu ambulance a transport’e pa hospital. Den auto, e chauffeur a resulta herida pero a keda pega tambe. A pidi asistencia di Cuerpo di Bombero, cu a presenta cu dos unidad pa corta e vehiculo y saca e victima afo.
E accidente a tuma luga riba e caminda di rotonde di Pos Chikito direccion Franse Pas. E auto a bay dal den cura di cas Sabana Basora # 9. Ambos victima a bay den dos diferente ambulance pa hospital, pa ey ricibi tratamento medico avansa.
