Diadomingo den careda di 4:15 am polis a mobilisa dilanti Lekker Restaurant, caminda un peaton a bay crusa caminda y un chauffeur di un Chevrolet color blauw nrA-73285 a dal e persona, net n’e momento cu e tabata crusando direccion e club en cuestion.
Chauffeur di e auto a sigui core y a para un poco mas dilanti, haciendo manera nada n’ pasa. Mesora polis a cuminsa busca e auto basa riba informacion recopila n’e sitio y a logra localisa e auto no mucho leu, cu e chauffeur sinta ainda den dje.
Mesora a bay over na detencion di e chauffeur riba sospecho di tabata bou influencia di alcohol. E victima a keda transporta cu maximo urgencia pa hospital mirando cu el a ricibi hopi sla na su curpa. E departamento di BfTO y tambe hefe di trafico a presenta pa tuma datos di e accidente.
