Diasabra mainta algun minuut prome cu 8’or un auto a bolter un poco mas pabou di Superfood. E auto tabata bini for Avenida Nelson Oduber, esta ex Sasakiweg. Polis a bin topa cu un Honda blauw riba su dak den e rooi memey cu ta dividi e dos camindanan.
Un otro chauffeur cu tabata su tras a baha na banda y mesora a bay mira si e chauffeur di e Honda tabata tin mester asistencia, pero e chauffeur femenino tawata pafor di auto riba pia. Ambulance tambe a presenta na e sitio pa haci un chekeo medico y despues a bandona e sitio. A resulta cu e chauffeur no a ricibi herida di gravedad.
E dama a conta cu el a sinti e stuurwiel cuminsa bati y di biaha el a opta pa baha velocidad di e auto. Pero na dado momento e auto a ranca un banda y esey a pone cu el a baha caminda y bolter. E ta gradicido di ta na bida. Roadservice a presenta na e sitio pa tuma declaracion di loke a pasa pa duna e compania di seguro di e chauffeur.
