Diasabra mainta, algun minuut despues di 8’or, a sosode un accidente den Franse Pas, caminda cu un dama, coriendo un Toyota Passo, direccion Sabana Basora, dado momento a hala un poco dimas na man drechi, a bay dal den e brancanan na canto di caminda, consecuentemente cu e auto a kentel y cay den su banda.
E dama mes a keda pega den auto.
Testigonan a baha duna man di biaha. A yama autoridad incluyendo Brandweer.
Personal di ambulance na e sitio mes a logra di libera e dama di e situation cu e tabata aden prome cu bomberonan a yega. E chauffeur tabata for di tino.
Ambulance a hiba e dama hospital pa asina e haya revision medico. Daño material ta considerabel.