Prome Minister di Pais Aruba, mr. Evelyn Wever-Croes ta na Europa p’un biahe di trabou. E tabata na Belgica hunto cu Minister Geoffrey Wever y awo na Hulanda pa algun reunion cu meta pa un bon resultado pa Aruba.
Wever-Croes tabata di bishita cerca Minister-president demisionario, Mark Rutte, den Torentje. Un di e topiconan cu a atende ta e fiansa di Covid cu Aruba a haya for di Hulanda. Prome cu a yega cerca Rutte, a bishita entre otro Minister di Finansa di Hulanda y Secretario di Estado, drs. Alexandra Van Huffelen.
Segun Wever-Croes, e Hulandesnan Europeo tin e ultimo palabra, caminda tin cu sea aproba of desaproba e peticion di Pais Aruba den Conseho di Minister di Reino.
E reunionnan na Hulanda ta bayendo bon na Hulanda, segun Wever-Croes a expresa. Aruba a fia 916 miyon durante e periodo di Covid y t’e mes a firma pa paga bek c’un porcentahe halto di 6.9%. Compara cu Corsou y St. Maarten, e ta un cifra hopi halto. E ta cerca Rutte pidiendo pa yudansa y pa wak si ainda prome cu Rutte baha como minister, por yuda Aruba cu un interes mas abou.
