Cu maximo urgencia a despacha patruya direccion Eagle Beach pa un atraco cu a tuma luga y caminda un persona a resulta herida, despues di a defende su mes. Un acto violento contra victima femenino den pleno ehercicio den e area.
E atraco aki a tuma luga dialuna anochi pa mas o menos 11:58pm. Polis a haya notifica cu un señora lo a resulta herida durante un atraca. A hinca victima aki na altura di Paradise Beach Villas. Mesora a pidi presencia di ambulance pa bin atende cu e victima.
Patruya cu a presenta a indica cu e victima a declara cu e tabata train(core) y na un dado momento un homber lo a bin riba dje cu cuchiu den man y a atrac’e. E la purba bringa pero un dado momento e atracado lo a logra hinc’e. E sospechoso tabata bisti full na preto y despues a core bay direccion noord
Segun por a compronde, probablemente e sospechoso aki lo a huy den un auto color shinishi. El a logra bay cu su celular. Ambulance a yega y a duna e victima asistencia medico pa despues transport’e pa hospital.
Atraco Team tambe a presenta como tambe polis tecnico, unda a sigui cu e investigacion. Departamento di slachtofferhulp tambe a presenta pa asisti e victima cu sigur a pasa den un trauma grandi.
Cuerpo Policial cu apelacion na testigo, cu por a mira algo of sa algo, pa yama e tiplijn di polis cu ta 11141. Cualkier informacion lo ta completamente anonimo.
