Diasabra prome cu 12or di marduga, a tuma luga un atraco banda di Fisherman’s Huts, situa panort di Ritz Carlton. Ta trata aki di un pareha cu a bay pisca, pero na dado momento dos persona a sorprende nan cu arma di candela.
E atracadonan cu lomba sunu a papia bon Spaño y segun e victima, lo ta trata di dos Colombiano pasobra el a reconoce nan acento. A crank e arma di candela riba nan y a pidinan pa placa y pa creditcard.
A apunta ambos cu arma di candela y a bay cu nan pertenencianan, entre otro e yabi di nan Jeep Wrangler. Polis tin bista riba e auto cu nan a huy den dje.
