Coremento con cu ta den trafico por causa accidentenan inecesario. Diamars den un rato dos accidente por tabata serio pa esnan riba quadracer y tambe e ciclista. Esaki ta riba e crusada di Koningstraat cu Emmastraat. Por mira prome con turista riba quadracer a scapa na wowo di hangua. A pasa e crusada sin duna preferencia na dos auto cu tabata bayendo zuid.
Ta bon cu nan a para na tempo. Su tras despues un otro quadracer cu turista tambe a yega na e crusada y despues di mira con esun su dilanti a hera dal, el a brake y wak si tin auto ta bin. Ta core sin wak borchi. E otro ta un ciclista coriendo den verboden. Un auto riba Koningstraat a lora links pa drenta Emmastraat. Mirando cu no ta custumber cu tin trafico ta bin di man robes, e chauffeur no a worry pa mira na man robes. A djis wak trafico di preferencia na man drechi y lora robes. Net e ciclista tabata biniendo den verboden. A medio dal e ciclista cu finalmente a medio cay pero no a keda herida. A mira cu despues e auto a sigui tambe. Tur esaki a ser capta pa camera di seguridad de vecindario.
