AruBuild a tene un Open House pa mustra kico tur companianan tin di ofrece

Diahuebs anochi a tuma luga e AruBuild Open House na Seroe Pita, unda cu companianan local ta mustra nan productonan. E organisadonan a invita companianan pa participa den e AruBuild Open House parties mustrakico a haci den e renobacion.

AruBuild Open House ta pa mustra kico tur ta haci y kico mas por haci. Segun Chris Mass di AruBuild, nan tambe tin un stent den e Open House parties mustra kico nan tambe por haci den e renobacion. Tambe hendenan por mira kico tur nan ta haya pa ora di traha cu AruBuild.

AruBuild Open House

Posted by 24ora on Thursday, March 21, 2019

A invita 6 compania pa participa den e proyecto aki. E companianan invita ta esunnan cu nan ta traha cun’e y a invita nan pasobra ta importante pa hende mira kico tur nan tin como empresa. Pa tuma contact cu nan por haci esaki via nan Facebook, pero tambe tin e posibilidad pa haya nan via Instagram unda por mira kico precies AruBuild ta haci como compania.

Un di e compania invita tabata Sherwin Williams y a bin cu diferente producto. Nan a presenta productonan pa muraya, plafon, pa dak di cas, vloer. Tambe a bin cu articulonan manera un paint sprayer cu ta pa yuda verf un cas hopi mas lihe. Den e tiendanan na Boegoeroei y Boulevard nan tin brochure cu diferente combinacion di verf y hopi mas. Team cu fin di luna nan tin descuento te cu 30% y ta cla yuda tur esunnan cu mester di dje.

Un otro compania ta Pest Buster y nan a mustra kico tur tin di ofrece na clientela. Aworaki tin un special di 25% off te cu april y asina ta keda haci algo pa duna bek. Pa por contacta nan por bay na nan Facebook of via telefon 5619900.

E compania ENOVA ta duna e servicio di pinta mapa te cu construccion. Tambe nan ta haci uzo di un programa 3D pa asina mustra e cliente con e proyecto keda. Por tuma contacto cu nan via Facebook page ENOVA Aruba of yama na 7496310 pa por haci e proyecto bira un realidad.

E compania di AruBuild ta haci e parti di renobacion, cu ta e parti di afwerking di un proyecto. Nan ta diseña tur cos manera e cliente ta pidi. Nan ta enfoca mas riba e afwerking, esta loke ta e punto final di un renobacion.

Frio Maxx ta bende diferente articulo. E tipo di articulonan cu tin ta save hopi coriente, pasobra nan ta inverter. Tin wasmachine cu ta uza 2 florin di coriente pa luna, airco di 42 SEER, stainless steel di ultimo modelo y hopi mas. Clientenan por spera productonan di calidad y nan tin garantia.

E ultimo compania invita ta Kohler by Grof y nan tambe ta ofrece diferente articulo manera kramchi y w.c.. y ta ubica na L.G. Smith Blvd. Tin diferente marca cu nan ta ofrece y tin respaldo pa tur prodructo den parts. Tin mas di 60 tipo di kramchi y tin diferente estilo di w.c. Tur hende ta invita pa pasa cerca nan pa mira kico tur nan tin di ofrece.

Comments

comments