Arubaanse Bond van Motorsport a tene actividadnan di training na Palo Marga. Den e reglanan di DVG y Crisis Team ta permiti training.
Pa Joy Werleman, miembro di directiva di Arubaanse Bond van Motorsport, nan ta bay den bon direccion door cu ta un di e prome deportenan cu ta duna ehempel.
Desde COVID-19 a yega, nan ta cumpli cu e reglanan, incluso tin siguridad cu ta check tur cos. E muchanan ta sigui e reglanan y esey ta pone cu tin training ainda. E meta di Arubaanse Bond van Motor ta pa kita muchanan di caya, pa laga nan smaak pa yega Palo Marga, no solamente pa streetlegal pero lo tin atencion pa tur otro deporte di motor na 2021.
E participantenan ta entusiama pa yega Palo Marga. A adapta e training cu cada 20 minuut ta cambia categoria, esta 20 minuut pa auto y despues brommer. Esey ta nifica cu tabatin 15 buelta, pero durante careda ta dal 8 buelta. Den training e ta bira mas cu dobel, den e training nan a haya mas tempo pa prepara p’e proximo eventonan. Segun Werleman, nan ta spera di keda cla na 2021 cu e protocol necesario pa haci competencianan. Na momento cu esaki cuminsa, e ora por bay na un campeonato aki na Aruba.
P’awo tin di mantene nan mes na e protocolnan. Loke ta encera fanatico esaki ta un tiki limita, pero ta spera cu pueblo di Aruba mantene COVID-19 abou y mas lihe por permiti mas fanatico yega bou di e protocol. Cosnan di pasado ta pasado, p’esey ta traha pa futuro. Ta bin cu plannan pa futuro y set up calendar pa 2021.
