A instala Steven Croes riba dialuna 30 di november 2020 como Minister di Enseñansa, Ciencia, Cultura y Deporte den Gabinete Rhuggenaath.
Señor Croes a primintí dilanti di Gobernador di Corsou, Su Excelencia sra. Lucille George-Wout.
Steven John Croes ta naci na Corsou. E ta un ex alumno di Radulphus College. Despues di caba su HAVO, Steven a sigui e estudio International management na International School of Economics na Rotterdam. Tambe el a finalisa dos estudio di ‘Leadership Academies’, tanto na Amsterdam como na Bogota. Steven tin hopi experencia den e ramo financiero. Durante e último añanan el a fungi den diferente posicion di liderazgo na varios compania renombra manera Citco Funds Services na Amsterdam, HB Management, Intertrust y recientemente Citco Banking Corporation na Corsou. Steven tin un afinidad pa politica.
Na aña 2019 el a bira miembro di Partido PAR den cual e ta miembro di diferente comision. Recien a elegi su persona como miembro di directiva di e partido.
Riba foto: Sr. Croes na momento cu el a caba di baha for di Palacio di Gobernador y duna entrevista na Prensa.
