Tin diferente anuncio cu minister Armando (Rudy) Lame, di Enseñansa, a haci durante e conferencia di prensa di gobierno. A papia di e becanan cu Aruba a haya di Tesla University pero tambe di cambio den pago di e subsidio pa estudio cu hobennan di Aruba ta haya.
Ta papia aki di e instituto Tesla University Aruba cu a ofrece 10 beca pa estudionan di Electrical Engineering y Green Engineering. E estudionan aki ta tuma luga online door di Tesla University
Tesla University ta ofrece 10 scholarship pa dos grado di estudio online na Canada. E ta duna na final un Bachelor Degree. Hobennan di Aruba por aplica pa esaki, subiendo online riba e website di e universidad. Pa esaki no mester biaha pa Canada, pero por hacie for di Aruba mes. Tambe tin Bay University, na Florida, cu ta promove estudio online. Pero tambe tin American Univesity School University Aruba y Xavier University, cualnan ta brinda hopi oportunidad na studiantenan di Aruba.
Den cuadro di e ariba menciona, e mandatario a propone algun cambio. Si tur e programa of universidadnan menciona ta acredita na institucionnan internacional, esnan interesa por aplica pa un studielening pa sigui e estudio oline na e universidadnan menciona.
Mas studiante ta scoge pa sigui nan estudio online, pa cual por aplica pa e Aruba lening. Siguiendo mocion di Parlamento, ta bay duna “kwijtschelding” di cu 50% di bo Arubalening, cual ta cambio necesario den tempo dificil cu Aruba ta pasando aden. Ya caba gobierno a dicidi cu ta duna Arubalening sin cobra interes. E “kwijtschelding” ta conta no solamente pa e studiantenan cu finalisa nan estudio y bin establece na Aruba y tambe esnan cu ta keda Aruba pa sigui nan estudio online.
