Entusiastanan di tur edad a participa y a haya informacion tocante e diferente deportenan di zeil posibel riba nos isla bunita. WRCA, e fundacion di kite pa mucha Jr Arubiano, y e club di sunfish tabata presente pa mustra nan deportenan pero tambe informacion tabata disponibel for di otro clubnan cu no a por ta presente e dia ey.
E instructor a siña nan e habilidadnan basico di zeil den awa chikito y como e lista di inscripcion tabata yen den dos dia, e Federacion lo organisa mas dianan di introduccion. Despues di un BBQ di fundraiser delicioso, e atardi tabata yena cu e competencia di Bandera riba Awa den e disciplinan di windsurf, kitesurfing, y e categoria di sunfish.
Fanatico y/o entusiasta por a disfruta e atardi bunita na Fishermen’s Huts e fin di siman aki unda diferente categoria tabata haci nan miho y a haya e premionan di e prome competencia di Bandera riba awa. Pa mas informacion, of si desea sa con bo empresa por ta un sponsor di e proyectonan di scol, por tuma contacto na [email protected]
