Dia 26 pa dia 28 di Maart, Universidad di Aruba y University of Prince Edward Island, lo bay tene e Governance & Global Conference, cual prome biaha ta bay tuma luga na Aruba y lo bay ta e prome conferencia internacional riba Small Island States (SIS) y Subnational Island Jurisdictions (SNIJs).
E conferencia aki ta bay tuma luga na Universidad di Aruba mes y espacio ta limita. Durante e conferencia aki ta bay tira un bista riba e miho manera pa evita depencia excesivo di un producto of servicio di exportacio principal (tipicamente turismo).
Tambe ta bay conoce e miho manera di promove innovacion y espitiru empresarial. Con pa yuda of limita structuranan institucional den e Small Island States y Teritorio di e islanan pa cumpli cu e Obhetivonan di Desaroyo Sostenibel di Nacionnan Uni.
Esaki ta inclui pa enfrenta e servicionan monopolistico, comunidadnan estrechamente conecta riba rerd, politica partidista, orario di vuelo y ferry.
E recurso strategico na migracion. E papel di e elite y gruponan di interesnan nacional y regional, incluyendo e partidonan politico y gobiernonan, den e buskeda di probecha al maximo e soberania (den e estadonan insular) of na no soberania (den e teritorionan insular).
Durante e conferencia aki ta bay tin varios orador, entre otro e prome minister di Aruba, Evelyn Wever-Croes como tambe prome minister di St. Maarten, Leona Romeo-Marlin, Godfrey Baldacchino, profesor di Sociologia y Pro Rector pa Desaroyo Internacional na e Universidad di Malta y vice presidente di Unesco pa loke ta Island Studies and Sustainability na e Universidad di Prince Edward Island, Canada y e Universidad di Malta. Tambe tin como orador dr. Peter Clegg, Associate Professor den Politica y Hefe di e Departamento di Salubridad y Ciencianan Social na e Universidad di West of England, Bristol. Entrada pa tur e dianan ta 250 dollar. Studiantenan ta paga 100 dollar y pa dia ta 125 dollar. E entrada pa e conferencia ta inclui pausanan nutritivo, lunch, recepcion di apertura, dinner di e conferencia, conference tour y tur material.
