Aruba Lions Club a bin cu un proyecto nobo pa recauda fondo y por sigui yuda comunidad. Un grupo di miembro di Lions Club a forma un banda, esta Aruba Lions Club Band, y ta consisti di nuebe integrante.
Na 2019 nan a cuminsa toca na diferente luga y a deleita hende cu nan cantica. Asina a sigui y a haya diferente peticion pa yuda otro organisacion. Nan mester a bay toca na Orlando, pero door di e pandemia nan no a logra esey. Pero nan a sigui traha y a graba un cd, di cual a bin cu video tambe.
A bin cu e nomber “We serve true music” y a haci esey pa por yega internacional cu nan musica. E cd tin un balor di 25 florin y por hay’e cumpra cerca tur miembro di Aruba Lions Club. Rudy Ponson di Aruba Lions Club a bisa cu cumprando e cd aki ta alegra cas, negoshi, auto y alabes ta yuda nan cu e meta di yuda comunidad.
