Diadomingo mainta a tuma luga e di 34 Aruba International Half Marathon y Aruba Bank tabatin un team femenino cu a participa na esaki.
E team di relay corporativo di Aruba Bank tabata consisti pa Ada Guerra, Valery de Cuba, Jeandira Henriquez y Andrea Aguirre. Desde algun siman e team di Aruba Bank tabata den preparacion pa participa den e Half Marathon.
E Half Marathon a consisti di 3 categoria cu ta e Half Marathon Individual, Corporate Relay Team y Student Relay Team. E team di corporate relay ta consisti di 4 persona, kendenan ta turna y cada uno ta core minimo 5KM te ora cera e 21KM. Tanto participante local como internacional ta participa den e marathon grandi aki, cu ta sigui crece tur aña.
E team corporativo di Aruba Bank a core e marathon den un tempo di 2 ora y 11 minuut y a logra sali na di dos lugar di Female Corporate Relay. Aruba Bank ta felicita su team corporativo di relay cu a core e distancia di 21KM y a prepara duro pa esaki. Tambe ta felicita IBiSA pa ta organisando e marathon aki pa hopi aña.
