Jeanette Richardson-Baars ta coordinadora nacional di mensenhandel/mensensmokkel. Ta dos cos cu nan ta bezig cun’e. Den e aña cu a pasa nan a haya nan unidad den polis, cual ta encera cu nan ta haci e investigacionnan.
E tempo despues di un melding, e ta wordo investiga, bira mas cortico y nan ta bastante exitoso den esey. E taskforce di cual Richardson-Baars ta trahando duro. Nan ta traha cu propuestanan di maneho, ta traha presupuesto, tur diferente departamento y un di e exitonan cu tabata tin, mas of menos un luna pasa, tabata tin un accion hopi grandi cu yama “Operacion Libertad”, hunto cu diferente isla den nos region, bao di guia di Interpol. A yega na dje cu por a controla den cuater dia bastante luga. For di esey a sali cu por a sigui cu un caso cu tabata tin den tratamento caba y cu ta mustra cu e por bay dilanti di hues. E ta bay bastante bon.
Tin un articulo nobo cu a drenta recientemente den wetboek van strafrecht, cual ta mensensmokkel, den e forma cu hende ta duna un otro hende e posibilidad pa keda Aruba. E por ta dune trabao, of dune un luga pa keda, etc. y esey tambe por wordo castiga como mensensmokkel. Den esey lo bay mira tiki mas accion. Tin hende na Aruba cu kier saca un beneficio di cierto hendenan cu por bin por ehempel di Venezuela, pa duna nan un luga pa keda of trabao, pero esey tambe ta castigabel na Aruba.
Con ta constata
E taskforce ta traha den diferente manera. Por ta melding cu por drenta den tur e departamento cu ta parti di e taskforce. E por ta relaciona cu trabao, of na Dimas of na Polis. E melding ta drenta cerca e taskforce y ta bay investig’e mas pronto posibel y si ta algo cu ta factibel pa por traha un investigacion riba dje, e ta bay na e unidad, pa traha riba e parti operacional. E por ta tambe cu ta topa algo ora cu ta bay riba caya, ta bay controla luganan, cu awor aki tin hopi luga cu a wordo controla, cu tin ilegal trahando. Awor aki ta wak naturalmente door di e articulo nobo cu un bista diferente riba esey. Esey ta nifica cu antes e tabata ok, un persona ta ilegal. E dunado di trabao por haya un boet for di Dimas of di DAO, pero den e sentido ey e taskforce no a traha verder cun’e. Pero cu e articulo aki, por uz’e den e ramo di mensensmokkel. Esey ta algo cu a cambia hopi. Tin hende, ora cu ta constata cu tin hende ilegal trahando, e ora por uza e articulo aki den mensensmokkel tambe.
Uzo di hende
Segun Richardson-Baars, mester ta realistico cu handel y smokkel ta sosode na Aruba tambe. E handel ta sosode. Tin formanan cu no ta aceptabel den e mundo cu nos ta biba aden y mester treed up contra tur di nan, pero e no ta critico den e sentido manera cu e ta sosode na otro pais rond di nos y den mundo. Mensensmokkel, door di e ligging di Aruba cu ta hopi cerca di Venezuela, ta bay haya toch un idea cu e ta bira un tiki mas. Tin hende cu ta yega aki y door cu nan situacion no ta bon na nan pais mes, nan ta bin Aruba cu speransa cu nan bida ta bira miho y tin hende cu ta probecha di esey. E ora bo por tin un situacion di uitbuiting, di explotacion y mester traha contra esey.
Mensahe
Nos mester sa cu handel y smokkel, trafico di hende y contrabando di hende, den tur su formanan, ta castigabel na Aruba. Esey ta nifica cu bo por probecha di un persona pa un cierto tempo, pero na momento cu polis of autoridad ta pone man riba bo, bo ta bay wordo persigui. Esey ta un prioridad cu a pone pa nan mes cu ningun hende cu ta haci cosnan asina, mag di scapa. Pensa prome cu bo haci. No probecha di un situacion di un otro hende, pasobra esey ta inhumano y ta castigabel.
