Por mira un gobierno cu den pasado a papia di feest vieren ten ondergaan, awe mester constata cu nan ta vreten en zuipen ten ondergang. Minister di Finansas no ta atende cu asuntonan di finansas publico manera mester ta, pero ta bebe, come, djodjo y baila.
mr. drs. Arthur Dowers, parlamentario di AVP, a indica cu por a mira un minister di finansas cu ta completamente desconecta cu e realidad di e pais aki. Ta mir’e tur caminda ta bebe, a mir’e ta djodjo, baila. A mira un grabacion unda e ta sali di un comemento y a bisa cu su trabou a bira come na luga di atende cu asunto di finansas publico di e pais aki. Incluso por a mira cu e ta dal poco di e glasnan ey un poco di mas.
E parlamentario ta puntra su mes ki seriedad tin den un pais caminda el a canta cu e pais aki ta den bancarota. Pero awo por mira cu e pais ta den un situacion realmente preocupante financieramente. No solamente esey, e pueblo ta sufriendo. Unda cu bira y cu ken nan papia, ta bisa cu e situacion pa loke ta trata nan cartera a bira di tal indole cu nan no por sobrevivi mas na Aruba.
Prijs a subi door di e medidanan tuma na Aruba, tambe logicamente tin efecto internacional. Pero esey ta bisa cu ta spera di un gobierno cu ta tuma medida pa alivia e situacion di pueblo. E parlamentario a constata cu e gobierno aki no ta haciendo nada pa reduci nan debe, nan gastonan, pero simplemente ta percura pa mas amigo y famia yega cerca di nan.
Un cos cu ta importante pa pueblo realisa ta cu den e dianan aki nan ta papiando di diferente medida cu mester ta tuma riba papel cu lo bay baha gasto di pais Aruba. “Mi ta spera esunnan cu ta bay regarda cu nan a cuminsa habri nan wowo”, Dowers a expresa. El a indica cu ta papiando aworaki di un medida caminda nan (gobierno) ta bisa cu mester percura pa salario di minister y parlamentario keda na cierto nivel corta, pasobra tur salario cu tin bou di e minister- y parlamentarionan tambe mester bay reduci. P’e motibo ey Dowers ta spera cu e ambtenaarnan ta consciente y scucha “boso salario ta esunnan next cu ta bay wordo corta permanentemente.”
Pa mas lesa TREMPAN.COM.
