Ministerio Publico mester tin e libertad pa tuma e decisionnan basa riba e maneho cu tin den e pais y riba e gravedad di casonan cu tin. Hunto cu polis, mester por tin e libertad pa actua segun ley mes ta bisa si algo ta suficientemente grave pa yega na persecucion di hende. Ley ta stipula tambe ki momento Ministerio Publico por bay over na detene un hende y encarcela un hende, segun parlamentario mr. drs. Arthur Dowers (AVP) ta trece pa dilanti.
“Pasobra un caso por cuminsa sin cu necesariamente abo sa como comunidad. Hopi biaha hende ta kere cu persecucion di un hende ta cuminsa ora e ta deteni, hopi caso no mester di detene hende p’e caso ta uno andando,” segun Dowers.
E parlamentario ta subraya cu tristo ta si e forma con fraccion MEP a mete den Husticia y caba cu credibilidad di Ministerio Publico, cual ta buta cu awe tur hende lo mester cuestiona funcionamento di Ministerio Publico.
“Mi ta haya cu Ministerio Publico mes no ta sali y splica loke ta pasando pasobra nan tin e obligacion. Normalmente lo bo manda carta pa haci pregunta riba por ehempel e caso akinan na ministerio di Husticia, ami n’ ta hacie, ami ta spera cu procurador general nobo mes bay cuminsa investigacion – sigur si ministernan ta envolvi – pa mira si berdaderamente tabata tin cosnan cu a bay robes.”
Na momento cu bo mira politiconan cu ta haci comosifuera nan tin e autoridad pa forsa Ministerio Publico unda cu nan a demostra den pasado cu nan a bay cierto momento pone presion, ta pone hopi duda den credibilidad di Ministerio Publico y sistema hudicial.
Loading…
Reload document 
Open in new tab Dowers: “P’esey bo ta mira un lama di critica riba Ministerio Publico y Husticia aworaki, por ehempel riba e caso di cacho ta mira cu mester a actua riba esaki, no ta sigur si a actua of no. Lo ta bon pa Ministerio Publico cuminsa bira mas habri den comunicacion ora cu tin casonan cu ta causa preocupacion den nos comunidad.”
