Despues di un reunion di casi 15 ora, Parlamento a aproba e Ley di BBO na Frontera, c’un votacion di 11-10.
Asina tambe e ley aki lo drenta na vigor dia prome di augustus proximo. Aquanette Gunn, parlamentario di MAS, a indica cu tabata anticipa caba cu e ley lo pasa. Ta lamentabel ya cu e motibo pa cual nan a pasa e ley aki ta pa cumpli cu Hulanda. Cada luna cu no a pasa e medida adicional aki, nan lo genera menos.
E intencion tabata pa genera 20 miyon, pero door di situacionnan imprevisto, nan a haya nan ta aplas’e pa dos luna. Esaki ta conduci cu nan tin miedo di cu nan no por cumpli cu e presupuesto ratifica na comienso di aña.Un situacion hopi tristo. Oposicion a entrega dos mocion: un cos ta ora cu sesion informativo y otro cos ta ora cu tin participacion real, cual no tabatin.
Ora cu ta bin c’un medida c’un embergadura asina grandi, mester trata e ley cu pasenshi. Den e ultimo dos dianan ainda tabatin cartanan dirigi ainda na Minister di Finansa, mr. Xiomara Maduro y Prome Minister, mr. Evelyn Wever-Croes, pasobra cu tabatin hopi preocupacion.
