Anselmo Pontilius hunto cu dokter Alvarez a traha pa un tempo largo riba un proyecto. E proyecto aki ta pa pensionado. P’esey otro siman nan lo tin un reunion cu Minister di Asuntonan di Adulto Mayor pa papia riba e proyecto aki. A bin cu e proyecto aki pa asina por yuda bek, unda ta yuda tur adulto mayor di 65+. E proyecto aki tin di haber cu dokter pensionado duna servicio na cas.
Anselmo Pontilius, presidente di e fundacion Silver Lining Health Care Foundation, ta un pensionado pero a busc’e pa bira mediador di gobierno. Te ainda no tin un persona pa tuma su trabou, aunke cu tin candidato potencial. Aña pasa den luna di mei dokter Alvarez a bin cu un proyecto y a trece esaki na Pontilius.
E proyecto aki tin di haber cu kier yuda tur adulto mayor cu ta 65+, unda ta percura pa nan haya consulta por lo menos un bes pa aña na su clinica. Dokter Alvarez tin 37 aña ta duna servicio na comunidad di Aruba y tin su mesun consultorio como laboratorio. Eynan e dokter a propone pa bin cu un proyecto asina.
Pontilius no tin conocemento riba e tereno aki, pero asina mes a dicidi di busca algun boluntario cu kier yuda. E proyecto aki tin un interes importante pa atende cu tur ciudadano riba 65 aña y cu mester di un chekeo. Tin un cantidad di ciudadano riba 65 aña cu tin problema entre otro pa yega dokter di cas, specialista, lista di espera, un cantidad di hende cu no tin cuido pa nan, etc.
E proyecto aki hinca den otro di tal forma cu dokter Alvarez ta trata di haya su coleganan dokter cu a baha cu pensioen pa forma parti di un ekipo y percura cu den tur districto por duna servicio na cas.
Pa mas lesa TREMANPAN.COM.
