Post Aruba N.V. a celebra 10 aña di servicio di Andre Angela, Ashwin Maduro y Eusebio Kelly den compania di fiamanan y coleganan.
Andre Angela a cuminsa cu Post Aruba riba 3 di maart 2008 como besteller, despues a fungi como Chauffeur Special Services y actualmente ta trahando como Medewerker E-Post. Andre ta un bon empleado, semper e ta dispuesto pa coopera y yuda den kiko cu pidie.
Ashwin Maduro a cuminsa dia 1 di februari 2008 como besteller y actualmente tambe ta trahando como Medewerker E-Post. Ashwin ta un persona hopi trankilo, cu hopi respet y bon manera.
Eusebio Kelly a cuminsa dia 1 di februari 2008. Eusebio tin e funcion di besteller. E ta un trahado cu semper tin bon beis, e ta hasi su trabou bon y ta hopi amabel tanto cu su coleganan como clientenan cu semper ta atento pa e momento cu e pasa entrega nan carta.
Post Aruba N.V. ta gradici nan pa nan 10 aña di servicio y ta desea nan hopi exito den futuro.
Pa mas informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba NV y Aruba Stamps.
