Tabata algo pasa di 9’or di anochi despues di un actividad riba lama caminda basta boto ta bini hunto y celebra. Un grupo di amigo tabata direccion tera, pero na momento cu Kustwacht a duna nan señal pa para, nan no a respeta esaki. A tuma un rato prome cu a para nan. A cuminsa un discucion formal ente personal di Kustwacht y e grupo di amigo, mesora a pidi refuerso di Polis.
A test un di amigonan kende a bisa cu e lo tabata e supuesto capitan. Pero despues di e test, Polis a bis’e cu lo detene y transport’e pa Warda. Mesora el a bisa cu e ta gaña y cu ta su otro amigo tabata maneha, Polis a puntra pa un di ultimo biaha: ken tabata maneha e boto. Tur a punta dede riba un. A lag’e supla y el a surpasa e limite. A detene y transport’e pa warda. E resto di grupo a sigui fiesta.
