AMAA ta un asociacion cu ta proteha y sali na defensa di tur artista na Aruba y STICHTING MUSICA ta representante di musiconan.
E pandemia a trece hopi insiguridad y hopi artista a perde sea nan trabao of parti di nan entrada. AMAA y STICHTING MUSICA ta haci un yamada na particularmente tur artista y musico cu ta depende 100% di nan arte y cu door di e pandemia a perde nan entrada, pa registra cerca AMAA (https:fishline.typeform.com/to/N99Twlao).
E formulario aki ta disponibel riba pagina di AMAA y di STICHTING MUSICA. Naturalmente tur otro artista y musico tambe ta bonbini.
Nos bista no mester ta fiha solamente riba solucionnan a corto plaso, pero riba solucionnan duradero y husto pa cada artista.
