Tin un opleiding cu ta hopi basa riba e parti social di nos comunidad. Nicole Hart, docente di Universidad di Aruba pa e programa Social Work and Development, a indica cu kier siña studiantenan cu ta bay bira e profesional den e area di trabao social, cu pa bo wordo scucha, tin cu para riba caya y para pa esnan cu tin e voz cu no por haci esey.
Tin un vak cu yama Human Rights Values and Ethics, caminda nan ta siña e principio di derechonan humano y pa clausura e aña aki cu e vak aki studiantenan mester a crea un Advocacy Plan. Nan mester a crea un plan con pa bin cu un conscientisacion riba problemanan cu nos ta haya nos mes na Aruba.
Tin diferente tipo di topico, por ehempel abuso di mucha, abuso di hende muhe, pero tambe autismo ta un di e topiconan. Na final e studiantenan por refleha hopi bon y pueblo en general por siña un tiki mas kico ta pasando den nos comunidad.
Un bista publico
Segun e docente a siña den klas con ta crea atencion den e parti di advocacy. E ora nan a wak diferente ehempel den klas. Asina aki a bin cu ideanan cu ta ilustra y pone interes den pueblo, cu nan ta bira wak. Esey ta loke nan kier. No mester bin papia, pero cu ta bin wak y pensa riba dje, esey caba ta duna un señal cu ta pensa riba un topico cu no ta worry pa pesa riba dje.
Meta
E meta principal como opleiding, como programa di Social Work, pa e studiantenan siña cu nan voz ta conta y como profesional den futuro, nan por haci hopi cambio. Banda di esey, claro, si por informa comunidad un tiki mas kico ta e importancia di derecho humano esey claramente ta un plus den nan wowo.
Facultad
Esaki ta e facultad di Arts & Science di Social Work & Development y ta trata di studiantenan cu ta cuminsando. E ta un experiencia hopi nobo pa nan pa haci algo asina aki. Ta por lo menos 34 studiante cu a cana rond den caya grandi haciendo nan trabao.
Juliette Castañeda ta un di e alumnonan cu tabata den caya grandi. Su grupo ta trata End child abuse. Ta advocando riba esey pasobra ta un problema cu ainda ta hopi grandi riba e isla y no tin hopi consenshi riba esey.
E grupo ta 1ste jaars di Social Work & Development na Universidad di Aruba. Juliette a splica tambe cu nan mes a scoge riba e topico aki cual ta Child Abuse. Nan ta haya cu esaki ta un topico cu cifranan hopi impresionante, cu no ta realmente ta scucha riba e isla.
Na Aruba sigur ta un situacion alarmante cual ta abuso di mucha. Por ehempel den 2016 a reporta 175 caso cu esey ta un caso di abuso di mucha cada 2 dia. Y e cifranan ta keda sufri cada aña.
E grupo kier a duna mas consenshi na pueblo pa laga nan sa cu ta un problema cu ta pasando y tin cu tuma rienda di esey y laga hende sa di esaki. Pa por yuda e muchanan mas ainda, pasobra esey ta e meta di e grupo. No kier pa nada malo sigui pasa cu nan.
Suekyen Croes ta un otro alumno di Universidad cu a participa na e programa aki. E ta conta, cu e y hunto cu mas colega di dje di Universidad, ta boga pa Derechonan Humano. Nan kier vocifera riba derecho di hende muhe contra e descriminacion basicamente.
Ta bay mas profundo y a realisa cu por ehempel tin hopi violencia den tur sorto di forma cu ta pasa cerca e hende muhenan den adiccion.
Nan no tin siguridad, ni shelter y ta haya esey cu no por, pasobra ta bisando e ora cu tin inigualdad den sociedad.
Nan tin un pin cu nan a bisti, cual ta un tapa di boter di cerbes, pasobra cu habri e boter ta benta e tapa afo y ta ignor’e. A pone verf blauw y berde como sosten di derechonan humano y a pone den dje. Esaki ta pa duna e forsa pa haya oido.
E dede ta bisa mesun cos. Ta un manera pa colecciona firma di hendenan cu ta di acuerdo cu nan cu mester bin e igualdad di e banda ey pa e hende muhe. Nan ta firma un peticion y pone un vingerprint.
