Eldrion Regina, di e show cu “Un Focus Diferente”, a traha diferente short film cu mensahenan postivo. Despues cu mas di 14000 alumno a presencia e show aki na Corsou, Aruba a bin haya su beurt.
Scolnan manera commandant Generaal Abraham de Veerschool, Colegio San Augustin, Filomena College, OAA Middag MAVO, entre 800 y 900 alumno a presencia e show aki cu a tuma luga den The Cinemas Paseo Herencia. E show a dura mas of menos 1 ora y 46 minuut y despues di esaki, nan a haya chens pa meet and greet cu Eldrion Regina.
Regina a splica cu e presentacion a cana zuiver. E reaccion tabata hopi positivo, mirando con e hobennan a sali. E reaccion pa Regina tabata hopi bon pa esey. Semper e ta purba di conecta cu e hobennan, pero na e momento cu e por sinta. Como cu e mes ta considera
su mes como hoben, den e forma hopi simpel ta trece e mensahe dilanti, pa e conecta cu nan. Ora e conecta cu nan, esey pa Regina, ta un trabao bon haci. Mensahe Un mensahe pa e hobennan ta esaki: "Talento tur hende ta nace cun’e.
Pero focus cu pasenshi no ta un talento. Bo tin cu aplik’e." Hopi hende ta mira Regina como cu e tin talento. Pero sin e pasenshi y focus, e no ta nada. Otro mensahe ta pa e hobennan, ta pa no laga cen ta e unico motivacion pa e decisionnan cu wordo tuma den bida. Pero e cantidad di hende cu inspira, ta e motivacion. Esey pa Regina ta algo hopi importante. Ta esey e ta bin ta haci. E por a keda sin bin Aruba, mirando, si bisa budgetwise. Pero el a haci’e posibel pasobra mara tabata tin hende net tempo cu Regina tabata un hoben por a haci esaki. Ta esey a motiv’e pa haci esaki, el a bisa por ultimo.
