Alexandra Geerman ta un fiel oyente di Enfoke. E ta conta nos cu e programa ta cay ‘net bon’ pasobra e ta den su ora di break di 12:00 pm pa 2:00 pm. Awe e ta sali fo’i Universidad di Aruba, despues di a come un pan cu pinda y bacoba, el a tende cu el a gana un ‘Dinner for 2’ na P.F Chang’s. E palabranan di Alexandra tabata: “Awe no tin cushinamento”. Alexandra ta bezig cu su scriptie, actualmente e ta studiando ‘Accounting and Finance’, si tur cos sigui bon e lo gradua e aña aki.
Locual mas e ta gusta di Enfoke ta e ‘cherchamento’ y e jokenan. Tin hopi cos cu e ta di acuerdo y ta analisa e informacionnan. Esaki lo ta e prome biaha cu e lo bishita P.F Chang’s.
Headlines Group ta gradici Alexandra pa ta un fiel oyente di Enfoke.
