Polis Alex Wernet, kende actualmente ta trahando como chauffeur y bodyguard di Minister Otmar Oduber ta insisti cu locual su pareha, Sherry Ras ta acuse di dje, ta falso. Den un carta na 24ora.com el a informa di a entrega un keho penal contra Ras awe. Den su mesun palabranan e ta bisa cu e NUNCA a maltrata su pareha.
Segun e Polis y coordinador di Minister Otmar Oduber, tur e potretnan cu marcanan di maltrato severo, cu e pareha lo a haya na Januari ultimo, dia di Fakkeloptocht cu e lo a yega cas di Wernet burachi. E Polis ta acusa su pareha di a bin atake den su cas y cu el a pushe for di dje y dor cu su ex pareha tabata asina burachi, cu e lo a perde balans y a cay y haya tur e marcanan cu el a mustra riba Facebook.
Segun Alex Wernet, desde Januari su ex pareha ta haciendo (mal) uzo di e potretnan ey pa acus’e di maltrato. Es mas, segun e Polis, e anochi ey su ex a drumi den cel, pasobra el a yama su coleganan Polis cu a detene pa buracheria.
Ta bon pa subraya, cu e keho na Polis no ta haci dor di 24ora.com, sino dor di e ex-pareha di e Polis aki, cu awe ta coordinador di Minister Otmar Oduber. Nos no ta recherche pa investiga cu si e potretnan ta berdad of no; of pa verifica cu si despues di parada di flambeu a maltrata e ex pareha of si ta su so a dal abou. Esey ta trabou di husticia, vooral cu e victima ta sigura na nos, cu ta tanto biaha a maltrat’e y a entrega keho na Polis pero no ta sali nada afo.
