Servicio Meteorologico di Aruba (Meteo) a emiti un alerta pa biento duro y lama bruto. E alerta lo drenta na vigor mañan diamars pa 12’or di merdia. Areanan afecta lo ta henter Aruba.
Un area di presion halto riba ocean atlantico y un area di presion abou na e parti noord di Colombia lo causa diferencianan grandi di presion den region di Caribe. Pa e motibo aki biento lo supla cu mas o menos 22 te 25 nudo y ta anticipa cu lo tin rafaga cu de bez en cuando lo por yega 35 nudo (beaufort 8).
Accion de precaucion….
Ta urgi usuarionan di lama pa ta extra cauteloso riba lama ya cu e biento duro lo bay causa lama bruto. Tambe mester ta alerta den e area entre waf y Manchebo Beach Hotel.
