Diamars marduga alrededor di 2:10am polis a hay’e ocupa cu un accidente na altura di e crusada di Arendstraat cu Diemasterstraat. Aki ta caminda un dama manehando un Honda Fit color blauw a ranca un borchi di trafico por completo. E auto numera A-75797, tabata biniendo for di p’abou.
E chauffeur tabata hopi halto, y polis a hay’e cabes abou drumi den banda compaña pa un plas di saca. A trat’e masha nechi mes, dos agente a escolte pone sinta un rato mientras tabata controla documentonan di e auto. A deten’e mirando cu e tabata bou influencia di alcohol y of otro substancia mientras ta maneha auto, esaki ta castigabel pa ley.
A transport’e pa ward’i polis caminda e lo bay drumi por lo menos pa ocho ora p’asina pasa su wayaba. Probablemente e lo haya un rijverbod of lo perde su rijbewijs manera cu e recobra su libertad. E borchi trafico a bay para algun meter leu, azeta tabata core riba caminda manera ta awa. Lo a kibra un piesa bou di e hood, a takel e auto hib’e pa ward’i polis na Balashi.
