Diferente unidad a dirigi nan mes pa Boca Grandi pa un emergencia cu un kitesurfer. Segun por a compronde e tabata den problema parti pariba di nos isla. Na yegada polis a constata cu no tabata tin emergencia pero mas bien a resulta di ta un training cu marinier envolvi.
Esaki a tuma luga den careda di 4:30 pm na momento cu a drenta un alarma pa un kitesurfer cu lo ta pega den halto y no por a baha. Na yegada a bin topa cu un parachute den halto wanta na un cabuya. Segun por a compronde tabata trata di un training di Mariniers Kazerne tumando luga den area di Vader Piet.
Polis a vocifera nan preocupacion na sitio y duna conseho pa otro biaha tin miho comunicacion cu Cuepro Policial pa evita e tipo di alarma aki, cu ta bin di comunidad y ta pone polis mobilisa sin motibo alguno.
