Catiri 12-H ta e adres caminda cu tabata tin un caso unda cu melding a drenta cu tin un baby cu no tabata duna señal di bida. Ambulance a bay cu e baby. Vocero suplente di Cuerpo Policial, Liliana Rasmijn a conta cu pa mas of menos 2’or y 15 di merdia, Central ta haya un yamada unda cu na un cas na Catiri, un creche, un baby no tabata duna señal di bida.
Patruya ta yega di biaha y ta pidi pa manda un ambulance di biaha y a bay cu e mucha cu urgencia hospital. E baby ta hopi critico. Mucho detaye no tin riba esaki. Departamento di Recherche tabata na e sitio, pa asina descarta cu algo por a bay robes. Investigacion tin cu saca afo kico a pasa, segun Rasmijn. Un rato despues di 4or informacion a drenta cu e baby a fayece na Hospital.
Reacciona
Segun Rasmijn, personal di ambulance a traha cu e mucha y a bay cun’e. Tabatin speransa cu e baby reacciona. Ora cu polis yega hospital, nan lo haya sa. Mas mucha na e creche Tin algun mucha cu ta bay na e creche. Awor aki tin cu warda un rato y laga investigacion saca afo kico a pasa realmente.
Doño di cas
E doño di cas a cay den otro. A bay cun’e hospital tambe pa siguridad. Esaki ta un procedura cu Slachtofferhulp tin, mirando con altera e señora aki tabata.
Cuerpo Tecnico
Ta un procedura cu Cuerpo Tecnico tin cu presenta. E hefe di e departamento di recherche ta dicidi si mester di BFTO si of no. Awor aki tin full un plan, unda cu tin cu papia cu tur esnan cu tabata tey, pa asina saca afo si ta algo cu por a pasa.
E situacion
Na momento cu e situacion aki a presenta na e adres ya menciona, tabata tin gritonan di auxilio y esey a pone cu bisiñanan a reacciona rapidamente tambe. Nan a sali for di nan cas. Nan a bay den e cas y wak kico ta pasando y wak con nan por yuda. Naturalmente nan tambe a bati alarma riba loke a sosode. Tabata tin basta mayor a yega poco spanta, keriendo cu ta nan yiu. E señora cu tin e creche ta wak pa mucha for di mas di 20 aña caba, segun bisiñanan mes ta conta. No ta un hende cu ta awo a cuminsa haci e cos aki. Ta varios mayor a bin busca nan yiu. E dama ta un hende di edad cu ta cuida mucha. E mayornan di e mucha mes, tabata e promenan cu a yega na e adres, ora cu e prome patruya di Noord y tambe e ambulance of paramediconan a yega cu nan Rapid Responder. E mayornan a bay wak paden y haya e yiu drumi y no tabata reacciona. Paramediconan a haci nan best. A bay cun’e y aparentemente tin cierto señalnan. Na caminda a traha cun’e y prepara hospital pa nan ricibi’e. Algun rato despues di 4or informacion a drenta cu e baby a fayece na Hospital. Paz na e restonan y forsa na famia di e fayecido.
