E alarma di candela den e ex-edificio di Belasting a traha un poco di mas diaranson mainta. No ta un pero dos biaha e alarma di candela den actual edificio di DIMAS na Paardenbaaistraat a keda sona pa un bon rato. Trahadornan a keda evacua, por a mira un cantidad di nan den parkeerplaats banda di Rockefellerstraat. E servicio a keda paralisa sin cu e personal di DIMAS por atende cliente. Un truck di bombero a yega, nan a inspeciona e edificio completo. No a haya nada particular. Trabou a reanuda, un rato despues atrobe e alarma a bolbe bati. Ta sospecha un fayo den sensor ta causa e alarma cende cada rato. E oficinanan di DAO situa den mesun edificio tambe a keda afecta.
