Andre Gomez ta un adicto ambulante y e ta preocupa p’e maneho di bijstand. El a haya yudansa pa bay Sto. Domingo y a bin bek despues di cinco luna. El a haya un apartamento na San Nicolas cerca Irena. Aki e tabata cobr’e 500 hasta na 300.
A kita bijstand fo’i Gomez y a bis’e pa bay busca esaki di nobo. El a bay y awo a dun’e 450 florin, esey a pone cu el a cuestiona nan. El a pidi nan pa dun’e por escrito dicon e suma ey y nan a bis’e cu ta mand’e cas. Nan a inform’e di a para esaki y cu e mester bay Samba tur dia. El a nenga pasobra e tin apartamento pa paga y fuera di esey tin di paga 6 florin tur dia of 9 florin pa bus grandi. Esey a pone c’un tal Jessica a kita su bijstand.
Segun Gomez, el a puntr’e con e ta haci come y Jessica a constesta cu esey ta su problema, bay cas di partido of pidi Mike Eman pa haya co’i come. El a reacciona si esey ta contesta y si minister presidente ta di acuerdo cu loke e ta papia. E kier sa si Evelyn ta di acuerdo cu tipo di cos asina, pasobra Gomez no conoce como hende asina.
A kita e bijstand fo’i dje tres luna pasa y e ta sin come. Momento cu e haya hamber, e ta bay na La Granja, bula den e bar’i sushi y coba pa haya pida galiña cu hende a come caba. E ta haya cu esaki ta un abuso di confiansa y e ta un Rubiano di 59 aña. Incluso a pone polis sac’e fo’i Sociale Zaken.
Pa mas lesa TREMPAN.COM.
