Diadomingo atardi a sosode un caso basta serio caminda un grupo di turista a bati alarma acusando un trahado di watersport di violacion.
Diferente unidad di polis a presenta pa atende cu un grupo di aproximadamente cinco turista femenino bastante altera y cu acusacion serio di violacion contra un persona masculino trahando na dicho watersport.
Na yegada a tuma nota di discucion fuerte tumando luga y varios di nan visibelmente herida. A pidi presencia di ambulance mesora na sitio pero entre mas tempo tabata pasando mas altera algun di nan tabata birando. A nenga atencion di ambulance y un rato despues ambulance a bandona sitio.
E situacion a bira asina tenso cu entre nan mes a cuminsa un discucion y a detene un di nan. Mientrastanto a cuminsa un buskeda den e area pa e sospechoso. A duna un discripcion di e trahado y kico e tabata tin bisti. Informacion cu a haya despues ta cu nan a detene den area di Cunucu abou y hib’e warda pa duna su declaracion di e sucedido.