Prome minister di Aruba a reacciona diamars riba e investigacion di Caso Kwihi, caminda cu tin persona sospechoso cu a yega di traha cu ne.
Miguel Mansur, lider di fraccion di Accion21 a sigui e noticia riba medio social. Sigur esaki ta lamentabel. Aworaki tin un pelea entre MEP y AVP, pa mira cua ta acumula mas minister bao investigacion, cu ta refleha malo sigur riba nos democracia y riba e confiansa cu pueblo por tin den su gobernantenan.
E ta agrega cu awo tin tres minister di MEP bao investigacion. Ta sorprende Mansur cu e barco ta sigui drif, pero obviamente lo tin cu warda con e caso ta anda. Un di nan ta sospechoso caba y e otronan ta pendiente.
Aworaki nos ta bibando den un sociedad cu ta inocente te ora sentencia nan. Si e ta lamentabel pasobra e ta sacudi confiansa den nos sistema politico. Obviamente e ta demostra falta di integridad den tur dos partido bieu. Accion21 a lanta com opartido nobo pa cambia structura di politica.
Lider di un di e partidonan a declara cu na momento cu a tuma su retiro fo’i politica, mester di cambio sistematica y structural y esey ta exactamente e problema. Aworaki ta yegando e punto cu corupcion casi ta birando cultural.
Esey ta un problema hopi grandi pasobra corupcion ta traduci su mes na pobresa. Aworaki kier mira cambio structural despues di eleccion. Aunke cu no kier a reuni cu Accion21, A boga minister Ursell Arends pa hinca modernisacion di e leynan electoral den e regeerakkoord.
Esey t’e unico momento cu por gara un di e dos partidonan bieu pa cambia e sistema, p’e boluntad democratico ta representa den parlamento, cual desafortunadamente no a haci esey.
