Roselyn Angela ta inspectora di medicina y nan a bay un stap mas leu. Nan ta esunnan cu hopi biaha ta controla remedi principalmente. Awo nan tin mas herment pa por treed op. E proceso lo bay hopi mas lihe asina, cu nan tambe por bay duna boet.
Control
E remedinan aki a drenta Aruba na un manera ilegal y nan ta wordo bendi tambe na un manera ilegal. Nan no tin mercado si no tin hende ta cumpra. Esey ta eigenlijk tambe pa concientisa e personanan, cu cumprando e remedinan via un canal no regular, tin peliger pa nan. Tambe tabata un caso algun aña atras, cu un señora a fayece cu productonan cu ta drenta iregularmente Aruba.
Hopi biaha inspeccion di medicina ta hay’e via melding di Douane mes, cu ta purba di drenta na frontera. Pero tin tambe hopi ta drentando via un otro manera ilegal. Esey ta esunnan cu ta wordo bendi tur caminda na Aruba. Tambe na gym, na fruteria, na supermercado, riba Facebook.
Ta actua
Tin sancion pa esaki, segun Angela. Tin dos manera cu por actua. Inspectie mes por actua door di bay controla, duna boet. Pa loke ta e parti administrativo. Tin e parti penal tambe, cu oranan bay cu officier van justitie, nan ta sigui un proceso hunto te unda cu e persona ta wordo cera.
Traha hunto
E partidonan tabata bezig acumulando informacion, vooral di esunnan di Facebook. Awor cu el a wordo anuncia cu ta bay tin un control, ta e intencion tambe cu den e periodo cu ta bin, lo bay na e hendenan, vooral esnan cu ta bende via Facebook, bay pa cuminsa pak nan aan. Tin campaña pa concientisa e personanan pa hiba e lucha contra ilegalidad. Semper lo purba di promove, pero toch e ta keda na responsabilidad di cada hente. Ta bisa hende cu esaki no ta bon, pero na final ta e persona ta esun cu ta uz’e. Ta varios aña caba ta purba di campaña, pero no mester ta e cuenta cu ta awo ta bay haci’e, segun Angela.
