E preocupacion grandi cu lider di Accion 21, Miguel Mansur tabatin diabierna mainta durante di e reunion di presupuesto pa loke ta trata e ministernan Endy Croes y Geoffrey Wever, cu el a vocifera n’e minister di enseñansa ta p’e studiantenan cu ta bay Hulanda.
Mas cu 80% di nan ta dropout. Ta tende un sin fin di keho di con e cuido y sosten cu Arubahuis ta duna nan ta deficiente.
Accion 21 a bin cu un mocion sosteni p’e dos partidonan di oposicion, ta pa pasa cuido y sosten di e studiantenan pa un organisacion Sui Generis y incorpora e fundadonan di Compas den dicho organisacion, sperando cu lo conta cu sosten mayoritario.
E parlamentario a comenta cu den e prome tanda, mayoria di su preguntanan tabata pa haya sa opinion di minister Geoffrey Wever, rib’e reforma fiscal proponi. E reformanan fiscal proponi ta devastador p’e economia y Mansur kier a haya feedback di parti di Wever, y si e mes lo bay tuma accion pa purba di wanta e severidad cu realmente lo bay afecta e poder di compra di tur ciudadanonan como tambe e cash reserve di tur empresa, mientras cu gobierno no kier baha gasto.
A entrega un mocion diabierna durante di e reunion di presupuesto, pa separa cuido di studiante fo’i bao Arubahuis pa un Sui Generis nobo.
Pa mayor cobertura lesa TREMPAN.
