Den ora di atardi a pidi presencia di tanto polis como ambulance riba brug di L.G.Smith Boulevard caminda un auto lo a dal tras di un otro y
un persona a resulta herida.
Esaki a tuma luga den careda di 5:00 pm net prome cu subi e brug (conoci como brug di Renaissance). Un Toyota Vitz preto ( A-77571) a
bay dal tras di Hyundai Sonata shinishi ( A- 57335) y debi na e impacto / of un brake di golpi, e ocupante a bay cu forsa dilanti y a
sinti cu e safety belt a primi su bariga.
E ocupante cu a resulta afecta pa e choke aki ta un persona na estado. No a basila ningun momento pa pidi ambulance na e sitio pa asina
brinda e asistencia necesario. Di biaha na nan yegada, a pone riba brancard y transport’e pa hospital pa chekeo.
Trafico a pega un rato pero despues di atende cu tur dato di e accidente a cuminsa move esunnan envolvi den e accidente aki.
