Fin di siman a yega y polis tin mannan yen cu diferente accidente cu ta tumando luga. Den careda di 8:30PM riba e caminda di Sero Biento direccion Santa Marta pa un accidente.
Na yegada di unidad policial na e sitio, a bin topa cu ambos auto cu hopi daño material. Ta trata di autonan marca KIA Sportage y Chevrolet Trax. Na e sitio a bisa e agentenan cu e Kia tabata riba caminda di Sero Biento biniendo for di Hooiberg y ora cu el a bay drenta e birada pa caya Santa Martha, e chauffeur a topa c’un Chevrolet Trax riba e caminda contrario.
Kico tabata e motibo cu e autonan a dal contra otro no ta conoci. Pero e daño material tabata na taira di ambos auto. Personal di roadservice tambe a presenta na e sitio y a pasa trabou pa haya sa kico precies a pasa, pa por bisa cua di e autonan tabata fout.
