Diabierna anochi a sosode un accidente riba e caminda di Gasparito. Esaki a pasa den careda di 9:00PM, unda 1 persona a resulta herida.
E persona cu a resulta herida tabata keha di hopi dolor di rudia y pa e motibo ey a pidi asistencia di ambulance. Na momento cu polis a yega na e sitio, di biaha nan a cera ambos banda di caminda pa desvia trafico. Polis di trafico tambe a presenta na e sitio pa cuminsa cu e trabounan di investigacion.
Ambos auto di e accidente aki no tabatin papelnan na ordo. Ta trata di un Toytota y BYD, cual impacto tabata fuerte cu a laga ambos auto cu hopi daño material. Den e accidente aki tabatin un baby y no a haya ningun herida, mientras e mama si a resulta herida.
Con e accidente aki a sosode no ta conoci. Pero e accidente aki tabata uno semifrontal, mirando e daño material cu ambos a sufri.
