Algo pasa di 7or di anochi, patruya Noord y di Santa Cruz a acudi na Moko net dilanti di Parke Arawa,. Tabata pa un accidente cu a sosode. Na yegada di patruya a bin topa cu e accidente caminda tres auto tabata envolvi. Ora polis a bay chek kiko exactamente a sosode, testigonan ta conta cu e pickup Toyota Hilux color preto numera A-34864, a bin for di zuid y a baha caminda na su man drechi y dal den un truck di Disney Recreation numera A-10463. E trahador di e compania tabata trahando na e truck y cu consecuencia cu e homber a wordo primi mey mey di e truck y e Chevrolet Aveo cora numera A-40052. E persona a keda herida. Ambulance a presenta na e sitio pa asina atende cu e homber y despues a transporte pa hospital. E manehador di e pickup Hilux a keda deteni pa motibo cu e tabata bou influencia di alcohol. Daño material tabata basta grandi.
