Den careda di 7:50 di anochi patruya di Noord a ser dirigi riba e caminda di Save a Lot un poo mas pabou na e crusada di Shaba pa Bubali. Eynan a sosode un accidente caminda cuater auto tabata envolvi. Ora polis a bay chek kiko exactamente a sosode, polis a bin saca afo cu e mini van blanco numera A-35402 tabata biniendo abou y a hala full den su banda contrario y a dal tres auto cu tabata biniendo ariba. Ningun hende a keda herida. Daño material tabata basta. E manehador di e mini van a keda deteni pa motibo cu e tabata bou influencia di alcohol. Dogcatcher a wordo pidi pa asina transporta e homber aki pa warda di Shaba.
